Verkætlanir
HEVUR TÚ SÆÐ CARMEN? 2025
Ein pixi-opera fyri børn, við íblástri úr Carmen hjá franska tónaskaldinum Georges Bizet.
Hugskot og handrit eigur Birita Adela Davidsen, sum eisini leikstjórnar. Á pallinum er leikbólkurin hjá Opera.fo, "Operetturnar", saman við dugnaligum barnakórum úr Havn og Klaksvík.
Sýningar verða á Tjóðpalli Føroya 18.-19. januar og í Varpinum 1.-2. februar 2025
Plakat: Kjartan Magnussen
PAPAGENO OG GANDADRYKKURIN 2024
Við íblástri úr kendu operuni “Gandafloytan” eftir Mozart, hevur Birita Adela Davidsen tillagað søguna og sangirnar til eina samvirkna ævintýra-skattajakt.
Prinsurin Tamino er bitin av eini risaslangu og bert ein gandadrykkur frá Gandakellingini kann bjarga honum. Gandakellingin manglar tó tilfar, og tí noyðist Papageno inn í vandamikla Gandaskógin at finna allar lutirnar - og honum tørvar tykkara hjálp!
Mentanarhúsið Varpið, okt. 2024
Plakat: Rókur Heinesen
Gandafloytan - fyri børn 2022
Prinsurin Tamino, prinsessan Pamina, fuglafangarin Papageno, fuglagentan Papagena, tey trý gátuføru børnini, Náttardrotningin, tær tríggjar damurnar, Monostatos, prestarnir og Høvuðspresturin í Vísdómstemplinum, Sarastro.
Øll hesi hitta vit í navnframu Gandafloytuni hjá Mozart, sum verður frumframførd sum barnaopera, við børnum, og fyri børnum, á Tjóðpalli Føroya 1. apríl 2022.
Plakat: Ragnhild Kjærbo
Soirée fantastiquE 2020
Soirée Fantastique – ein klassisk teaturkonsert í samstarvi við Tjóðpall Føroya.
Einføld og stílfull framførsla við útvaldum brellbitum úr operaheiminum, har ariur og duettir, klavertónleikur og tekstur verða flættað saman.
Plakat: Høgni Heinesen
Dagbókin hjá Leporello 2018
"Dagbókin hjá Leporello" er ein kamaropera-versjón av væl kendu og væl dámdu operuni hjá Mozart, Don Giovanni. Føroyska versjónin av Don Giovanni er við íblástri úr operaleikinum „Leporellos Tagebücher“ eftir Fabian Dobler.
Plakat: Høgni Heinesen
Konsertir o.a.
OPERETTURNAR
“Operetturnar” er heitið á nýggja barna-leikbólkinum hjá Opera.fo, sum undir leiðslu av Biritu Adelu Davidsen, setur upp pixioperur, operur i miniformati.
Leikbólkurin er skipaður av ungum áhugaleikarum í aldrinum 9-12 ár, sum bæði hava áhuga í sangi, sjónleiki og dansi.
BEL CANTO - klassisk konsert 2023
Sangarar frá Opera.fo framføra ariur og duettir úr kendu italsku operunum La Traviata, Rigoletto og Don Pasquale.
Norðurlandahúsið 18. august 2023
Mentanarhúsið í Fuglafirði 20. august 2023
sangskeið við douglas yates
Opera.fo skipar fyri afturvendandi sangskeiði við operasangaranum Douglas Yates.
Skeiðini innibera bæði eina-sangtímar og masterclasses, og eru væl egnað til øll ið ynskja at betra sín sangteknikk, bæði kórsangarar og solistar.